Kultur Basauri

Kultur Etxea Basauri

 Basauriko Udal Kultur Etxea Basauriko Udalaren mendeko erakunde
autonomoa da. 70eko hamarkadaren erdialdean sortu zen, eta hainbat
jarduera antolatuz kultura-lana garatzea du helburu: liburutegi
publikoak, hitzaldiak, ikastaroak, tailerrak, ludotekak, erakusketak,
zinema-emanaldiak eta zuzeneko ikuskizunen programazioa: antzerkia,
dantza, musika eta zirkua. Gaur egun, 7 kultur zentro ditu udalerriko
auzoetan banatuta, eta antzoki bat, Social Antzokia, arte eszenikoen
eta zinemaren programazio egonkorrarekin.  

Joan Liburutegietara

Ezagutu Liburutegiak

 Basauriko liburutegi publikoak Basauriko Udalaren mendeko Kultur Basauri erakunde autonomoaren parte dira.

Gaur egun, gure udalerrian bost liburutegi daude, kultur etxeetan eta gizarte etxeetan banatuta.

Gure Kultur Etxeak

Basauriko kultur etxeen eskaintza oparoa da: jarduerak, erakusketak, tailerrak… Batera doaz kultura eta dibertsioa!

Kultur Etxea Ibaigane

Liburutegiak (helduena eta haurrena) eta ikastaroak eta tailerrak dira Basauriko lehen kultur etxe handiaren jardueraren ardatz.

Kultur Etxea San Miguel

San Migelen kokatuta, auzoko kultur erreferentea da.

Kareaga Gizarte Etxea

Kareaga auzoan kokatuta, liburutegi-zerbitzua eta ikasketa-gelak eskaintzen ditu.

Taberna Nagusia

Basauriko lehen udaletxea izan zen. 1777an eraiki zuten, eta 1859an berriro eraiki. 

Kultur Etxea Basozelai

Eskola izandakoa, 2003an auzo etxe bihurtu zen. Zenbait zerbitzu eskaintzen ditu, eta Basauriko auzo garaienaren aisialdi eta kultura kudeatzen du.

Kultur Etxea Pozokoetxe

Auzokoen eskariei erantzunez, Pozokoetxe Kultur Etxea 1987an inauguratu zen Basauriko lehen auzo-kultur zentro gisa.

Arizko Dorretxea

Dorretxea XVI. mendekoa da. Errenazimenduko bizitegi-jauregia da eta Erdi Aroko dorretxearen tipologia dauka. 2003an bihurtu zuten auzo etxe.